«دەموكراتييالىق كۇشتەردىڭ «قازاقستان – 2050» جالپىۇلتتىق كواليتسيياسىنىڭ ۇندەۋى

1692
0
بولىسۋ:

قۇرمەتتى قازاقستاندىقتار!
ەلىمىز جاڭا تاريحي داۋىرگە اياق باستى.
2017 جىلعى 10 ناۋرىزدا ەلباسى­مىز نۇرسۇلتان نازارباەۆ «قازاق­ستان رەسپۋبليكاسىنىڭ كونس­تيتۋتسيياسىنا وزگەرىستەر مەن تولىق­تىرۋلار ەنگىزۋ تۋرالى» زاڭىنا قول قويىپ, قازاقستاننىڭ ساياسي, ەكو­نوميكالىق جانە الەۋمەتتىك جاڭ­عىرۋىنىڭ ىرگەتاسىن قالادى.
مەملەكەت باسشىسى باستامالىق ەتكەن كونستيتۋتسييالىق رەفورما­لاردى بۇرىن-سوڭدى بولماعان كەڭ كولەمدەگى جالپىحالىقتىق تال­قىلاۋى, قازاقستان ازاماتتارىنىڭ مەملەكەتتىك بيلىك تارماقتارى ارا­سىندا وكىلەتتىكتەردى قايتا بولۋ جو­نىندەگى التى مىڭنان استام ۇسىنىس­تارى, ەلىمىزدىڭ جوعارى زاڭنامالىق ورگانىنىڭ نەگىزگى زاڭعا وزگەرىستەردى جان-جاقتى قاراستىرۋى مەن قابىل­داۋى – بۇل قازاقستان حالقىنىڭ ازاماتتىق كەلىسىمى مەن بىرلىگىنىڭ دالەلدى كورىنىسى, ەلباسىنىڭ ەلىمىزدى جاڭعىرتۋداعى ساليقالى ساياساتىن قازاقستاندىقتاردىڭ بىراۋىزدان قولداۋىنىڭ دالەلى.
ەلباسىمىز پارلامەنتتىڭ بىر­لەس­كەن وتىرىسىندا اتاپ وتكەندەي, كونستيتۋتسييالىق رەفورما, ەڭ ال­دىمەن بىزدىڭ قوعامدى شوعىرلان­دىرۋعا باعىتتالعان.
ەلىمىزدىڭ پرەزيدەنتى ۇشىنشى جاڭعىرۋ جانە «قازاقستان – 2050» دامۋ ستراتەگيياسى اياسىندا العا قويعان ماقساتتاردىڭ اۋقىمدىلىعى مەن كۇردەلىلىگىن ەسكەرسەك, تاۋەل­سىز­دىك, بىرلىك, تۇراقتىلىق, ەتنوسارالىق جانە كونفەسسيياارالىق كەلىسىم سيياق­تى ىرگەلى قۇندىلىقتاردىڭ ماڭى­زى تەك ارتا تۇسەدى.
نەگىزگى زاڭنىڭ قاعيداتتى تۇردەگى ماڭىزدى ەرەجەسى – ول مىقتى پرەزي­دەنتتىك بيلىكتىڭ ساقتالۋى جانە جاڭارتىلعان كونستيتۋتسييادا تاۋەل­سىز قازاقستاننىڭ نەگىزىن سالۋشى – نۇرسۇلتان نازارباەۆتىڭ ەرەكشە رولىن ورنىقتىرۋ.
تاۋەلسىز قازاقستاننىڭ تۇڭعىش پرەزيدەنتى, قازاقستاندىق تابىستىڭ باستى ارحيتەكتورىنىڭ ۇزدىك باسقا­رۋىمەن بىزدىڭ رەسپۋبليكا شيرەك عاسىردىڭ ىشىندە بۇكىل الەمگە ايگىلى, تۇراقتىلىق, بىرلىك جانە قارقىندى ەكونوميكالىق دامۋ ورتالىعى بو­لىپ تابىلاتىن قۋاتتى جانە بەدەلدى رەسپۋبليكاعا اينالدى.
جاڭارتىلعان كونستيتۋتسييا بۇ­كىل مەملەكەتتىك باسقارۋ جۇيەسىنىڭ ودان دا تيىمدى جانە ۇيلەسىمدى جۇمىس ىستەۋىنە مىقتى مۇمكىندىك تۋعىزادى. ەكونوميكا سالاسىندا ۇكىمەتتىڭ اتقارۋشى وكىلەتتىكتەرى مەن دەربەس­تىگىنىڭ كەڭەيۋى, جانە ونىڭ جاۋاپكەر­شىلىگى مەن پارلامەنت الدىنداعى ەسەپ بەرۋى – ساياسي جۇيەنىڭ تۇراق­تىلىعى مەن مەملەكەت دامۋىنىڭ ۇزاق جىلدىق كەپىلى.
پارلامەنتتىڭ ۇكىمەت قىزمەتىن باقىلاۋداعى وسىپ كەلە جاتقان رولى ۇكىمەتتەن اعىمداعى جانە ستراتە­گييالىق جۇمىستىڭ ساپالى جاڭا دەڭ­گەيىن, جوعارى زاڭ شىعارۋشى ورگان, ول ارقىلى قازاقستان حالقى الدىن­داعى اشىقتىعى مەن ەسەپ بەرۋىن تالاپ ەتەدى.
مۇنىڭ قازاقستان ەكونوميكا­سىنىڭ يننوۆاتسييالىق دامۋ ماقسات­تارىنا جانە الەمنىڭ الدىڭعى قا­تارلى 30 مەملەكەتىنىڭ دەڭگەيىنە جەتۋدەگى ماڭىزدى مانى بار.
پارلامەنت جانە جەرگىلىكتى وكى­لەت­تى ورگاندار رولىنىڭ وسۋى حالىق پەن بيلىك اراسىنداعى نەگىزگى بايلا­نىستىرۋشى تەتىك, ساياسي پروتسەستەر مەن قوعامدىق تالقىلاۋلاردىڭ بەل­سەندى سۋبەكتىلەرى, بارلىق الەۋ­مەت­تىك توپتار مۇددەسىنىڭ وكىلى رەتىندە قازاقستاننىڭ بارلىق ساياسي پارتييا­لارىنىڭ جاۋاپكەرشىلىگىن جانە دامۋ مۇمكىندىگىن كۇشەيتەدى. ساياسي جۇيەنى دامىتۋدىڭ كونستيتۋتسيياعا ەنگىزىل­گەن ۇلكەن الەۋەتى ەلىمىزدىڭ بارلىق ساياسي پارتييالارى مەن قوعامدىق بىرلەستىكتەرىنە قوسىمشا تالاپتاردى جۇكتەيدى.
ەلىمىزدىڭ اتا زاڭىنىڭ داۋىرلىك جاڭعىرتىلۋى قولدانىستاعى زاڭدار­دى رەتكە كەلتىرۋ, ازاماتتىق قوعام­نىڭ جالپى زاڭنامالىق بازانى جە­تىل­دىرۋگە جانە كونستيتۋتسييالىق رە­فورمالاردى ودان ارى جۇزەگە اسىرۋعا كەڭىنەن قاتىسۋى بويىنشا اۋقىمدى جۇمىستاردى قاجەت ەتەدى.
بىز, دەموكراتييالىق كۇشتەردىڭ «قازاقستان – 2050» جالپىۇلتتىق كوا­لي­تسيياسىنىڭ مۇشەلەرى, بارلىق الەۋ­مەتتىك توپتاردىڭ مۇددەسىن بىلدىرەتىن جەتەكشى ساياسي كۇشتەر مەن ۇكىمەتتىك ەمەس ۇيىمداردىڭ وكىلەتتى جانە بەدەل­دى ۇيىمى رەتىندە بارلىق مەملەكەت ازاماتتارىن قوعامدىق كەلىسىم مەن بەيبىتشىلىك, تۇراقتىلىق جانە ەلىمىز­دىڭ دامۋى ۇشىن كونستي­تۋتسييالىق رە­فورمالاردى قولداۋدى جانە ونى ىسكە اسىرۋعا بەلسەندى قاتىسۋعا شاقىرامىز.
2017 جىلعى 10 ناۋرىز


 

«نۇر وتان» پارتيياسى, «اق جول» دەموكراتييالىق پارتيياسى, قازاقستان كوم­مۋنيستىك حالىق پارتيياسى, «بىرلىك» ساياسي پارتيياسى, «اۋىل» حالىقتىق-دە­موكرا­تييالىق پارتيياسى, «قازاقستان رەسپۋبليكاسىنىڭ كا­سىپوداقتار فەدەراتسيياسى» رەسپۋبليكا­لىق كاسىپوداقتار بىرلەستىگى, «اتا­مەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسى, «قا­زاق­ستان كاسىپكەرلەرى فورۋمى» زاڭدى تۇلعالار بىرلەستىگى, «رەسپۋبليكالىق ايەلدەر كەڭەسى» قوعامدىق بىرلەستىگى, «قازاقستان رەسپۋبليكاسى پرەزي­دەنتىنىڭ حالىقارالىق «بولاشاق» ستيپەنديياسى ستيپەندياتتارىنىڭ قاۋىمداستىعى» قوعامدىق بىرلەستىگى, «قازاقستاننىڭ ازاماتتىق اليانسى» زاڭدى تۇلعالار بىرلەستىگى, «قارۋلى كۇشتەرىنىڭ ارداگەرلەرى» رەسپۋبلي­كالىق قوعامدىق بىرلەستىگى, «قازاق­ستان رەسپۋبليكاسىنىڭ ۇلتتىق ينجە­نەرلىك اكادەميياسى» رەسپۋبليكالىق قوعامدىق بىرلەستىگى, «قازاقستان رەس­پۋبليكاسىنىڭ ۇلتتىق عىلىمدار اكادەميياسى» رەسپۋبليكالىق قوعام­دىق بىرلەستىگى, «ارداگەرلەر ۇيىمى» رەسپۋبليكالىق قوعامدىق بىرلەستىگى, «قازاقستاننىڭ كاسىپكەر ايەلدەرى وداعى» قوعامدىق بىرلەستىگى, «جاسىل» ەكونوميكانى قولداۋ جانە G-Global-دى دامىتۋ كواليتسيياسى» زاڭدى تۇلعا­لار بىرلەستىگى, «قازاقستان تۇتىنۋشى­لارىنىڭ ۇلتتىق ليگاسى» قوعامدىق بىرلەستىگى, «قازاقستاننىڭ ىسكەر ايەل­دەر قاۋىمداستىعى» رەسپۋبليكالىق قوعامدىق بىرلەستىگى, «قازاقستان اردا­گەر­لەرى» اۋعانستان سوعىسى ارداگەر­لەرىنىڭ قاۋىمداستىعى, «قازاقستان ۋكرايندارى راداسى» قوعامدىق بىرلەستىگى, «قازاقستاننىڭ داعدارىس ورتالىقتارى وداعى» زاڭدى تۇلعالار بىرلەستىگى, «قازاقستان مۇگەدەكتەرىنىڭ كونفەدەراتسيياسى» رەسپۋبليكالىق قوعامدىق بىرلەستىگى, «جاڭارۋ» سى­بايلاس جەمقورلىققا قارسى جالپى­ۇلت­تىق قوزعالىسى» رەسپۋبليكالىق قوعامدىق بىرلەستىگى, «جۇلدىز» با­لالار قوعامدىق ۇيىمدارىنىڭ وداعى» قوعامدىق بىرلەستىگى, استانا قالالىق دەموكراتييالىق كۇشتەردىڭ «قازاق­ستان – 2050» كواليتسيياسىنىڭ مۇ­شەلەرى.

بولىسۋ:

پىكىر جازۋ


*