ۇزدىك ۋنيۆەرسيتەت قاتارىنا قوسىلدى

1633
0
بولىسۋ:

ەلباسى نۇرسۇلتان نازارباەۆ ل.گۋميلەۆ اتىنداعى ەۋرازييا ۇلتتىق ۋنيۆەرسيتەتىنىڭ رەكتورى ەرلان سىدىقوۆتى قابىلدادى.

رەكتور مەملەكەت باسشىسىن ۋنيۆەر­سيتەتتىڭ وتكەن جىلدارداعى قىزمەتى مەن قازىرگى اتقارىپ جاتقان جۇمىستارى جو­نىندە حاباردار ەتتى.
نۇرسۇلتان نازارباەۆ قازاقستاننىڭ يندۋسترييالىق دامۋ باعدارلاماسى ۇشىن بىلىكتىلىگى جوعارى ماماندار دايارلاۋدىڭ ماڭىزدىلىعىن اتاپ وتتى.
– ەلوردانى استاناعا اۋىستىرعاننان سوڭ قابىلدانعان العاشقى شەشىمدەردىڭ بىرى وسى وقۋ ورنىن قۇرۋ تۋرالى بولدى. رەسپۋبليكامىزدىڭ باس قالاسىمەن بىرگە ونىڭ اتاعى مەن ابىروي-بەدەلى ارتىپ كە­لەدى. ل.گۋميلەۆ اتىنداعى ەۋرازييا ۇلتتىق ۋنيۆەرسيتەتى مەن ال-فارابي اتىنداعى قازاق ۇلتتىق ۋنيۆەرسيتەتى ەلىمىزدىڭ جو­عارى وقۋ ورىندارىنىڭ الدىڭعى شەبىندە, – دەدى قازاقستان پرەزيدەنتى.
جوعارى وقۋ ورنىنىڭ باسشىسى بۇگىندە ۋنيۆەرسيتەتتە 17 مىڭنان استام ستۋدەنت بىلىم الىپ جاتقانىن, ونىڭ كوبى ۇش تىلدى ەركىن مەڭگەرگەنىن مالىمدەدى. بۇل فاكتور­لار بىلىم الۋشىلاردىڭ اكادەمييالىق موبيلدىلىگىنە سەپتىگىن تيگىزدى.
– وقۋ ورنى وز دەڭگەيىن ۇدايى ارتتىرىپ كەلەدى جانە قازىرگى ۋاقىتتا ول الەمدىك رەيتينگتە 345-ورىندى يەلەنىپ وتىر. ۋني­ۆەرسيتەتتە جۇمىس ىستەيتىن شەتەلدىك وقىتۋ­شىلار, سونداي-اق جۇمىس بەرۋشىلەر ستۋ­دەنتتەرىمىزدىڭ دايىندىعىنا جوعارى باعا بەرۋدە. ەۋرازييا ۋنيۆەرسيتەتى تۇلەك­تەرىنىڭ جۇمىسقا ورنالاسۋ كريتەرييى جو­نىنەن رەس­پۋبليكادا الدىڭعى ورىنداردىڭ بىرىن يەلەن­دى. ۇلىبريتانييانىڭ بەدەلدى QS World University Rankings حالىقارالىق رەيتينگ اگەنتتىگىنىڭ زەرتتەۋ قورىتىندىسى بويىن­شا, ەۋرازييا ۇلتتىق ۋنيۆەرسيتەتى فيزيكا پانىنەن الەمنىڭ ۇزدىك ۋنيۆەر­سيتەتتەرىنىڭ قاتارىنا قوسىلدى, – دەدى ە.سىدىقوۆ.

بولىسۋ:

پىكىر جازۋ


*