«ايقىننىڭ» تىلشىسى ەلباسىمەن كەزدەستى

2504
2
بولىسۋ:

ەلباسى 8 ناۋرىز كۇنىنە وراي ايەلدەر قاۋىمىمەن داستۇرلى «كوكتەم شۋاعى» اتتى كەزدەسۋ وتكىزدى. كەزدەسۋگە «ايقىن» گازەتىنىڭ ماڭعىستاۋداعى مەنشىكتى تىلشىسى ۆەنەرا ميرلان دا شاقىرىلدى. 

پرەزيدەنت ۆەنەرا ميرلان جاي­لى ايتا كەلە «قانداي سۇلۋ قىز» دەپ ماقتاۋ سوز ايتتى. تىل­شى­مىز پرەزيدەنتپەن كەزدەسۋىنەن العان اسەرىمەن بولىسكەن بولاتىن.
ەلباسىنىڭ قابىلداۋىندا ەڭ ۇزدىك دەگەن قازاقستان ايەلدەرى قاتارىندا بولدىڭىز. قانداي سەزىمدەسىز?
– كەزدەسۋ اياقتالسا دا الى تول­قىپ وتىرمىن. ەلباسى كەلمەس بۇ­رىن تولقىعاننان جىلاپ تا العان قىز-كەلىنشەكتەر بولدى. «كوكتەم شۋاعى» بيىل جەتىنشى رەت وتكىزىلدى جانە الدىڭعىلارعا قاراعاندا ەرەكشە بولدى. ەلباسى تەك كەز­دەسىپ قانا قويماي, اقوردانى تۇگەل ارالاتىپ, وزىنىڭ جۇمىس ور­نىن, قوناق قابىلدايتىن بول­مەسىن كورسەتتى.
وسىدان بىر اپتا بۇرىن ماڭ­عىستاۋدا ار سالانىڭ ۇزدىكتەرى ارا­سىندا ۇلكەن ىرىكتەۋ بولاتىنىن حابارلادى. 2015 جىلى رەسپۋبلي­كالىق ۇلتتىق يننوۆاتسييا باي­قاۋىنا قاتىسقانمىن. سوندا 250-گە جۋىق جۋرناليستىڭ اراسىنان ۇزدىك اتانىپ, لوندوندا ون كۇندىك تاجىريبە الماسۋعا بارىپ كەلدىم. تاۋەلسىزدىكتىڭ 25 جىلدىعىنا وراي مەملەكەت باسشىسىنىڭ قاتىسۋى­مەن وتكەن مەرەكەلىك شاراعا دا قا­تىسقان ەدىم. بيىلعى كەزدەسۋگە قاتىسامىن دەپ ويلامادىم. ەل­باسىمەن رەسمي سۇحبات وتكىزۋ بولەك تە, بىر ۇستەلدىڭ باسىندا ەمىن-ەركىن اڭگىمەلەسۋ باسقا. اسى­رەسە, پرەزيدەنتتىڭ ماعان «قانداي سۇلۋ قىز» دەپ ايتقان قوشەمەت سوزى قۋانتتى. ەلباسىمەن كەزدەسۋ – ۇلكەن مارتەبە, زور قۇرمەت!
– جۋرناليستىك قىزمەت جولى­ڭىز­دى قالاي باستادىڭىز?
– بۇل سالادا جۇرگەنىمە 10 جىل بولدى. جوعارعى سىنىپتان باستاپ اۋداندىق گازەتتەرگە ماقالا جازا باستادىم. اتىراۋداعى ح.دوسما­عانبەتوۆ اتىنداعى ۋنيۆەرسيتەتتىڭ جۋرناليستيكا ماماندىعى بويىن­شا اياقتادىم. وقۋ بىتىرگەن سوڭ «قازاقستان – اتىراۋ», «31-ارنا» تەلەارنالارىندا جۇمىس ىستەدىم. «ايقىندا» مەنشىكتى تىلشى بولىپ ىستەپ جاتقانىما 4-5 جىلداي بولدى. ار سالانىڭ وز قيىندىعى بار. جۋرناليستيكا قىز بالا ۇشىن اۋىر جۇمىس دەپ ەسەپتەيتىندەر بار. بىراق وز ىسىن سۇيەتىن جان ۇشىن بارى دە مۇمكىن.
– ەلىمىزدەگى ايەل ازاماتىنىڭ قوعامداعى ورنى مەن مۇمكىندىكتەرى جايلى نە ويلايسىز?
– كەزدەسۋدە دە ايتىلعانداي ايەل ادامنىڭ ميسسيياسى وشاق قاسىندا وتىرىپ, بالا تاربيەسىمەن عانا شەكتەلمەيدى. قازاقستاندا ايەل ازاماتتار كاسىپكەرلىكتە دە, قۇقىق قورعاۋ سالاسىندا دا, سان يندۋستريياسى مەن قورعانىستا دا بەلسەندىلىك تانىتىپ كەلەدى. ما­سە­لەن, كەزدەسۋدە وزىنىڭ جەكە كۇزەت كومپانيياسىن اشقان ايەلدەر دە بولدى. سوندىقتان تالپىنىسى بار اربىر قىز بالاسىنا ەلىمىزدە مۇمكىندىكتەر كوپ.
كوكتەمنىڭ شۋاقتى مەرەكەسى­مەن بارشا قازاقستاندىق ايەلدەر قاۋىمىن قۇتتىقتايمىن! انالا­رىمىز امان بولسىن! ار وتباسىنان بەرەكە-بىرلىك كەتپەسىن!

تاڭشولپان تولەگەن

بولىسۋ:

2 پىكىر جازىلعان

  1. ماڭدايلى 9 ناۋرىز, 2017 at 01:35 جاۋاپ

    ۆەنەرا ۇشىن قۋانىشتىمىن,بىراق بىلگىم كەلگە
    نى ول ەلباسىمەن كەزدەسۋگە «ايقىننىڭ» مەن
    شىكتى تىلشىسى رەتىندە عانا باردى ما əلدە وبلىستىق «ماڭعىستاۋ»گازەتىنىڭ قىزمەتكەرى
    بولعاندىقتان وبلىستىڭ قىز-كەلىنشەكتەرىنىڭ
    وكىلى بولىپ باردى ما?»ايقىن»بولعاسىن ەش
    نəرسەنى بۇكپەي,ايقىن جازۋ كەرەك ەمەس پە?

پىكىر جازۋ


*