قازاقستان – باقىتتى ومىر بەسىگى

1972
0
بولىسۋ:

ەلىمىزدى مەكەندەگەن ۇلت پەن ۇلىس وكىلى قازاق حالقىنا العىس ايتادى.

2016 جىلى قازاقستان حالقى تۇڭعىش رەت العىس ايتۋ كۇنىن اتاپ وتتى. ەستەرىڭىزدە بولسا, وتكەن جىلدىڭ 14 قاڭتارىندا ەلباسى نۇرسۇلتان نازارباەۆ قازاقستان حالقى اسسامبلەياسىنىڭ قۇرىلعان كۇنى 1 ناۋرىزدى العىس ايتۋ كۇنى دەپ جارييالاعان ەدى.
بۇل كۇن – ەلىمىزدەگى تىنىشتىق پەن ۇندەستىك كۇنى. بۇل كۇن – سەنىم مەن قۇرمەت كۇنى. بۇل كۇن – ەل پرەزيدەنتىنىڭ بەيبىتشىلىك پەن كەلىسىم ساياساتىنىڭ سالتاناتى كۇنى. ەلىمىزگە تاعدىر تالكەگىمەن ەرىكسىز قونىس اۋدارعان تۇرلى ەتنوستاردىڭ قۇتتى قونىسىنا اينالعان قازاق جەرى مەن قوناقجاي حالىققا تەرەڭ تاعزىمىنىڭ بەلگىسى.

قازاق حالقى سوناۋ قيىن-قىستاۋ كۇندەردە وزگە ۇلتتاردىڭ باسىنا تۇسكەن اۋىرتپالىقتى قايىسپاي بىرگە كوتەرە بىلدى. بىر ۇزىم ناندى تەڭدەي بولىستى. مۇنىڭ بارى وتكەن كۇندەردىڭ ەلەسىندە قالعانىمەن, بىر مەملەكەتتىڭ تۇرعىن­دارى, ياعني, ەلى­مىزدەگى تۇرلى ۇلت وكىل­دەرى اراسىنداعى ادام­گەرشىلىك قارىم-قاتىناستىڭ ونەگەلى ولشەمى ەكەنىن جوققا شىعارمايمىز.
ۇلت كوشباسشىسى نۇرسۇلتان نازارباەۆ­­تىڭ: «قازاقستان حالقى اسسامبلەياسى قۇ­رىلعان كۇن – 1 ناۋرىزدى جىل سايىن بارلىق ەتنوستىڭ بىر-بىرىنە مەيىر­باندىق تانىتىپ, ول ادامداردى وز تۋ­عانىنداي قابىلداعان قازاقتارعا العىس ايتۋ كۇنى رەتىندە اتاپ وتۋ ادىلەتتى بولار ەدى. بۇل كۇن بىزدى بۇ­رىنعىدان دا گورى جاقىنداتا تۇسەدى. بۇل كۇن مەيىرىمدىلىكتىڭ, بۇكىل قازاق­ستان­دىق­تاردىڭ بىر-بىرىنە دەگەن دوستىعى مەن ما­حاب­باتىنىڭ جارقىن مەرەكەسى بولا الار ەدى» دەگەنى ايرىقشا مان مەن مازمۇنعا يە.
بۇل – العىس ايتۋ كۇنى عانا ەمەس, ارى ەلىمىزدەگى كوپەتنوستى حالىقتىڭ ورتاق تاريحىن قۇرمەتتەۋ كۇنى. سوناۋ تاعدىرلى زامانداردا, ياعني, رەپرەسسييا مەن جەر اۋدارۋ جىلدارىندا قازاق حالقى كور­سەت­كەن مەيىرىمدىلىك پەن اقپەيىلدىك, قو­لىندا بارمەن بولىسۋ سيياقتى وزىق داستۇرلەردى ەسكە الاتىن كۇن. سوندىقتان بۇل كۇننىڭ ايرىقشا بولاتىن دا سەبەبى بار. بىرتۇتاس مەملەكەتىمىز ۇشىن, ماڭ­گىلىك ەل مۇراتى ۇشىن ۇلتتار مەن ۇلىس­تاردىڭ, تۇرلى ەتنوستاردىڭ بىر-بىرىن قۇرمەتتەۋى, بىر-بىرىنەن مەيىرىمىن اياماۋى ماڭىزدى. وسى ارقىلى قازاقستانداعى تاتۋلىق پەن تۇراقتىلىقتىڭ, دوستىق پەن بىرلىكتىڭ التىن بەسىگىن بەيبىت تەربەتۋ باقىتى بۇگىنگى ۇرپاقتىڭ قولىندا!

جالعاسى: بىز قازاققا العىس ايتامىز

 

بولىسۋ:

پىكىر جازۋ


*