ىنتىماقتاستىقتىڭ ارقاسىندا ,بەرىك وداق قۇردىق

1570
1
بولىسۋ:

ەلباسى نۇرسۇلتان نازارباەۆ الماتى قالاسىندا رەسەي فەدەراتسيياسىنىڭ پرە­زي­دەنتى ۆلاديمير پۋتينمەن جانە دەلەگا­تسييا قۇرامىمەن كەزدەستى. 

اڭگىمە بارىسىندا ەكىجاقتى ىنتى­ماق­تاستىق ماسەلەلەرى جانە كۇن تارتىبىندەگى باس­تى حالىقارالىق تاقىرىپتار تالقى­لان­دى.
مەملەكەت باسشىسى قازاقستاننىڭ رە­سەيمەن قارىم-قاتىناسىنىڭ ەرەكش­ە­لى­­گىنە توقتالىپ, ەكى ەل اراسىنداعى سەنىم مەن تۇسىنىستىك دەڭگەيى جوعارى ەكەنىن اتاپ وتتى.
– جىل سايىن جىل باسىندا قالىپ­تاس­قان داستۇر بويىنشا جۇزدەسىپ, بىرلەسىپ ات­قاراتىن الداعى جوسپارلارىمىزدى ور­تا­عا سالىپ تالقىلاپ وتىرامىز. بيىل دا وسى ماقساتتا سىزبەن كەزدەسكەنىمە وتە قۋا­نىشتىمىن. قازاقستان مەن رەسەي ارا­سىنداعى ححى عاسىرعا باعدارلانعان ماڭ­گى­لىك دوستىق پەن وداقتاستىق تۋرالى كە­لىسىمشارتتى ورىنداۋ بارىسىندا بىز كور­شى مەملەكەتتەر اراسىندا بولۋى تيىس بار­لىق جان-جاقتى قارىم-قاتىناستىڭ ۇل­گىسىن كورسەتە الدىق. بيىل ارامىزدا ديپلوماتييالىق قارىم-قاتىناستىڭ ورنا­عا­نىنا 25 جىل تولادى. تىعىز ىنتى­ماق­تاس­تىق ارقاسىندا بىز ەۋرازييالىق ەكو­نوميكالىق وداقتى قۇردىق. بۇل ونىڭ بار­لىق قاتىسۋشىلارى ۇشىن ماڭىزدى ارى پەرس­پەكتيۆالى قۇرىلىم دەپ سانايمىن. بۇ­گىندە رەسەيدىڭ 7 مىڭنان استام كاسى­پو­ر­نى قازاقستاندا وكىلدىگىن اشىپ, جاڭادان قاي­تا وڭدەۋ ونەركاسىبىن قۇرۋعا ىقپال ەتۋ­دە. سىزدىڭ بىلتىر كۇزدە قازاقستانعا جا­ساعان ساپارىڭىز بەن ەۋرازييالىق ەكو­نوميكالىق وداق اياسىندا سانكت-پە­تەربورداعى كەزدەسۋىمىز قۇنى 3 ميلليارد اقش دوللارلىق 41 كەلىسىم­شارتقا قول قويۋعا مۇمكىندىك بەردى, – دەدى قازاقستان پرەزيدەنتى.
نۇرسۇلتان نازارباەۆ كۇن تارتىبىندەگى حا­لىقارالىق ماسەلەلەرگە قاتىستى قا­زاق­ستان مەن رەسەيدىڭ ۇستانىمى بىردەي ەكە­­­نىن جانە بۇۇ قاۋىپسىزدىك كەڭەسى ايا­سىن­­­دا ورتاق مىندەتتەردى ىسكە اسىرۋ ۇشىن ەكى ەل دە بار كۇش-جىگەرىن جۇمسايتىنىن ايت­تى.
– رەسەي حالىقارالىق وزەكتى ماسەلە­لەر­دى شەشۋ, سونىڭ ىشىندە سيرييا قاقتى­عى­سىن رەتتەۋ جونىندە شارالار قابىل­داۋ­دا. استانادا بىرنەشە كەلىسسوز وتكىزۋ تۋ­­­­رالى ۇسىنىس بىلدىرگەن دە رەسەي بولا­تىن. ۇدەرىس باستالىپ كەتتى. جالپى, وسى جانە باسقا دا ماسەلەلەردى شەشۋ ۇشىن جىل بويى بىرقاتار كەزدەسۋ وتكىزۋ قاجەت. سو­­­نىڭ بىرى 8 ماۋسىمدا استانادا وتەتىن شان­­حاي ىنتىماقتاستىق ۇيىمى اياسىن­دا­عى باس­قوسۋ بولماق. قازىرگى بارلىق ما­سەلەلەر دوس­ت­ىق نەگىزىندە شەشىلۋدە. بىر­لەسكەن كا­سى­پورىندار قۇرىپ, العا قاراي ىلگەرىلەيتىن بو­لا­مىز, – دەپ تۇيىندەدى مەملەكەت باس­شىسى.
ۆ.پۋتين نۇرسۇلتان نازارباەۆقا سي­رييا­داعى قاقتىعىستى رەتتەۋ جونىندەگى كە­لىس­سوزدەردى استانادا ۇيىمداستىرعانى ۇشىن العىس بىلدىردى.
– مەن بۇگىنگى كەزدەسۋىمىزدى استاناداعى سي­ريياعا قاتىستى كەلىسسوزدەردى ۇيىمداس­تىر­عانىڭىز ۇشىن سىزگە العىس ايتۋدان باس­­تاسام دەيمىن. وسى كەلىسسوزگە قازاقستان تاراپىنىڭ جاي ۇيىمداستىرۋشى رەتىندە عانا قا­تى­سىپ قويماي, ماڭىزدى رول ات­قار­عانىن بى­لەمىن. سىز كەزدەسۋ ۇيىمداس­تىرۋ­عا تىكە­لەي اتسالىسىپ, قاتىسۋ­شى­لار­مەن جانە دە­لەگاتتارمەن جۇمىس جۇر-
­گىز­دىڭىز. سىزدىڭ ارقاڭىزدا ەشقاشان بول­ما­عان ناتيجەگە قول جەتكىزدىك. اسىرەسە, اتىس­تىڭ توقتا­تىلۋى­نا باقىلاۋ جاساۋ تە­تىگى تابىلدى. بۇل – ەڭ باستى ماسەلە. ەندى بۇل جەنەۆادا جال­عاساتىن كەلىسسوزدەرگە نەگىز بولادى, – دەدى رەسەي پرەزيدەنتى.
ۆ.پۋتين قازاقستاننىڭ رەسەيدىڭ باس­تى ەكونوميكالىق سەرىكتەسىنىڭ بىرى رە­تىن­دەگى ماڭىزدىلىعىن اتاپ وتىپ, ينتەگ­راتسييا­لىق ۇدەرىستەر بارىسىندا جاسالعان جاع­داي ارقىلى ناقتى كولەمدى ۇلعايتۋعا قول جەتكىزىپ, ىنتىماقتاستىقتى ۇدايى ارت­تىرىپ وتىرۋ قاجەتتىگىن ايتتى.
رەسەي پرەزيدەنتى وز ەلىنىڭ جاھاندىق ما­سەلەلەردى شەشۋدە قازاقستاننىڭ بۇۇ قاۋىپ­سىزدىك كەڭەسىنىڭ تۇراقتى ەمەس مۇشەسى رە­تىندەگى قولداۋىنان ۇمىتتى ەكەنىن جەت­كىزد­ى.
كەزدەسۋ سوڭىندا تاراپتار ەۋرازييالىق ين­تەگراتسييا اسپەكتىلەرىن جانە ەكونوميكا سالا­سىنداعى وزارا ىس-قيمىل پەرسپەكتيۆا­لا­رىن تالقىلادى.
ەستەرىڭىزگە سالا كەتسەك, 26 اقپاندا ەكى ەل پرەزيدەنتتەرى الماتى ماڭىنداعى تاۋ-شاڭ­عى ساياجايىندا بەيرەسمي كەزدەسۋ وت­كىز­گەن بولاتىن.

بولىسۋ:

1 پىكىر جازىلعان

  1. مۇساپىر 1 ناۋرىز, 2017 at 09:46 جاۋاپ

    …بۇ­گىندە رەسەيدىڭ 7 مىڭنان استام كاسى­پو­ر­نى قازاقستاندا وكىلدىگىن اشىپ, جاڭادان قاي­تا وڭدەۋ ونەركاسىبىن قۇرۋعا ىقپال ەتۋ­دە… رەسەيدە قازاقستاندىق قانشا كاسىپورىن اشىلدى?

پىكىر جازۋ


*