مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىنىڭ قورىتىندىسىنا جانە كادرلىق وزگەرىستەرگە قاتىستى مالىمدەمەسى

1679
0
بولىسۋ:

بۇگىن ۇكىمەتتىڭ كەڭەيتىلگەن وتە ماڭىزدى جيىنى وتتى. وعان اكىمدەر دە قاتىستى. ۇكىمەت مۇشەلەرىنىڭ سوزىندە دە, مەنىڭ قورىتىندى سوزىمدە دە 2016 جىلدىڭ قورىتىندىسى جاسالىپ, بارلىق جاعداي ەگجەي-تەگجەيلى تالقىلاندى.
جىلدىڭ باسىنان بەرى جاسالىپ جاتقان شارۋالار بارشاعا بەلگىلى.
ەكى ۇلكەن ماسەلە بار. بىرىنشىسى – ساياسي رەفورمالار: كونستي­تۋ­تسيياعا وزگەرىستەر ەنگىزۋ. ەكىنشىسى – «قازاقستاننىڭ ۇشىنشى جاڭعىرۋى» اتتى جولداۋ.
وسىعان بايلانىستى حاباردار ەتەيىن دەگەنىم – كادر ماسەلەسى بويىنشا بىراز وزگەرىستەر جاسادىق.
«بايتەرەك» ۇجىمىندا جاسال­عان تەكسەرىس قورىتىندىسى بويىن­شا ۇلتتىق ەكونوميكا مينيسترى بيشىمباەۆ قىزمەتتەن بوساتىلدى. ونىڭ ورنىنا تيمۋر سۇلەيمەنوۆ مينيستر بولىپ تاعايىندالدى. ول – ساۋاتتى, تاجىريبەسى مول ازا­مات, ماسكەۋدە جۇمىس ىستەپ كەلدى. ال­دىندا سول مينيسترلىكتە ورىن­باسار بولعان. دايىندىعى جاقسى دەپ وعان سەنىم ارتامىز.
ەكىنشىدەن, ەكى مينيسترلىكتى بولىپ, دەنساۋلىق ساقتاۋ مينيستر­لىگىن جەكە قۇرعان سەبەبىمىز – بۇل سالاداعى ساقتاندىرۋ ماسەلەسىنە بايلانىستى كوپ جۇمىس بار. حا­لىققا سونى تۇسىندىرىپ, ىسكە اسىرۋ كەرەك. سەبەبى, بۇل – حالىققا جانە دەنساۋلىق ساقتاۋ جۇيەسىنە وتە قاجەت ماسەلە. امەريكادا وقىپ كەلىپ, نازارباەۆ ۋنيۆەرسيتەتىندە جۇمىس ىستەگەن ەلجان بىرتانوۆ مينيستر قىزمەتىنە تاعايىندالدى. ول سول مينيسترلىكتە ورىنباسار بولعان. جۇمىستى اتقارا الادى دەپ سەنەمىن.
ۇشىنشىدەن, قازاقستاننىڭ رە­سەي­دەگى ەلشى­سىن تاعايىندادىم. ول – يمانعالي تاسماعام­بەتوۆ. بىرىن­شىدەن, رەسەي – بىز ۇشىن كورشى ارى ارىپ­تەس, ەكونوميكا مەن ساياسي تۇر­عى­دان وتە جاقىن مەملەكەت. ول جەر­گە وتە بەدەلدى, تاجىري­بەلى, سال­ماق­تى, قازاقستان مەن رەسەي ارا­سىن­داعى جاعدايدى بىلەتىن تۇلعا قاجەت بولعاننان كەيىن وسىنداي شەشىم قابىلدادىم. ەكىنشىدەن, تاسماعام­بەتوۆتىڭ قالاۋى سولاي بولدى. ويى مەن تىلەگىن ەسكەرىپ, ەكى جاعىنان دا ساي كەلەتىن بولعاندىق­تان, ونى سول قىزمەتكە تاعايىن­دادىم.
پرەمەر-مينيستر ورىنباسار­لارىنىڭ از بولعانى جون, مي­نيسترلەر وز شارۋاسىن ات­قارۋى كەرەك. ەشكىمگە سىلتەمەي, ەشكىمگە سۇيەن­­بەي, بەرگەن ماسەلەنى شەشىپ, وزدەرى جاۋاپ بەرۋى كەرەك. مىنە, مەن وسى ماسەلەلەر جونىندە ايتايىن دەگەن ەدىم.

بولىسۋ:

پىكىر جازۋ


*