سەناتور ەلشىلەرمەن كەزدەستى

1864
0
بولىسۋ:

پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى داريعا نازارباەۆا بىرقاتار مەملەكەتتەردىڭ قازاقستانداعى ەلشىلەرىمەن كەزدەستى. اتاپ ايتقاندا, كوميتەت باسشىسى جاپونييا, يتالييا جانە گەرمانييانىڭ ەلشىلەرىمەن جۇزدەستى.

جاپونييانىڭ قازاقستانداعى توتەنشە جانە وكىلەتتى ەلشىسى يتيرو كاۆاباتامەن كەزدەسۋدە سەناتور مەملەكەت باسشىسىنىڭ وتكەن جىلعى قاراشاداعى جاپو­نيياعا رەسمي ساپارىنىڭ ناتيجەلى ارى مازمۇندى بولعانىن اتاپ وتتى. ي.كاۆاباتا قازاقستان مەن جاپو­نييا اراسىنداعى ديپلوماتييا­لىق قاتىناستاردىڭ ورناعانىنا 25 جىل تولۋىمەن قۇتتىقتادى جانە ەكىجاقتى قاتىناستاردى دامى­تۋدا مەرەيلى جىل قوسىمشا سەرپىن بەرەتىنىن اتاپ وتتى.
ەلشى ەكى ەلدىڭ زاڭ شىعارۋ ور­گان­دارى اراسىنداعى ىنتى­ماق­تاستىقتى ۇدەتۋ ماقساتىندا الداعى ۋاقىتتا جاپون پارلا­مەنت­ش­ىلەرىنىڭ ساپارى تۋرالى حاباردار ەتتى. تاراپ­تار ەكىجاقتى بايلانىستاردىڭ ەكونوميكالىق, گۋمانيتارلىق جانە مادەني ماسەلەلەرىن دە تالقىلادى.
كەزدەسۋ سوڭىندا جاپونييا ەلشىسى قازاقستاندىقتاردى ال­ماتى­داعى دۇنيەجۇزىلىك قىس­قى ۋنيۆەر­سيادانىڭ اشىلۋىمەن قۇتتىقتادى.
يتالييا ەلشىسى ستەفانو را­ۆانيان داريعا نازارباەۆامەن كەزدەسۋىندە ەكىجاقتى ىنتى­ماقتاس­تىق پەن حالىقارالىق ارەناداعى وزارا ىس-قيمىلدىڭ بىرقاتار ماسە­لەلەرى تۋرالى سوز قوزعادى. ساۋدا-ەكونوميكالىق جانە مادەني بايلانىستاردى دامىتۋعا باسا نازار اۋدارىلدى. اتاپ ايتقاندا, كەزدە­سۋگە قاتىسۋ­شىلار ينۆەستي­تسيياعا وزارا قولداۋ بىلدىرۋ جانە بيزنەستى قورعاۋدىڭ زاڭنامالىق ماسە­لەلەرىن قاراستىردى. داريعا نازارباەۆانىڭ پىكىرىنشە, قازاق­ستان يتالييا بيزنەسىنىڭ كورشى مەملەكەتتەر نارىعىنا شىعۋ ۇشىن تاماشا تۇعىر بولا الادى. س. راۆانيان يتالييانىڭ «ەكسپو – 2017» حالىقارالىق كورمەسىنە قاتى­سۋى تۋرالى اڭگى­مەلەدى. يتالييا­نىڭ بىرقاتار ايماقتارىن بەلسەندى تۇردە تارتۋ, سونداي-اق وپەرا ونەرىنىڭ جۇلدىزدارى قاتى­ساتىن اۋقىمدى مادەني باعدار­لامالار كوزدەلىپ وتىر.
د.نازارباەۆا ەكى ەل اراسىن­دا سەنىمدى قاتىناستار ورناتۋدا پار­لامەنتارالىق ديالوگتىڭ ما­ڭىزدى رولىن اتاپ وتتى. وسىعان بايلانىستى پارلامەنتتىك دەلەگاتسييالاردىڭ ساپارلارى ەكىجاقتى ىنتىماقتاس­تىققا جاڭا قارقىن بەرەتىنى اي­تىلدى.
سونداي-اق سەناتقا گەرمانييا ەلشىسى رولف مافاەل دە كەلدى. د.نازارباەۆا ديپلوماتتى قازاق­ستانداعى ميسسيياسىنىڭ باستالۋى­مەن قۇتتىقتادى جانە ەكى ەل اراسىنداعى وزارا تيىمدى ىنتى­ماق­تاس­تىقتى ودان ارى نى­عايتۋداعى جۇمىسىنىڭ تابىستى بولۋىنا تىلەكتەستىگىن بىلدىردى.
د. نازارباەۆا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رە­تىندەگى قازاقستاننىڭ باسىم­دىق­تارى تۋرالى حاباردار ەتىپ, حالىق­ارالىق جانە ايماقتىق قاۋىپسىزدىك, تەرروريزمگە قارسى وزارا تىعىز ىس-قيمىلدىڭ ماڭىز­دىلىعىن اتاپ وتتى. گەرمانييا ەلشىسى سيرييا داعدا­رىسىن رەتتەۋ جونىندەگى استانادا وتكەن كەلىس­سوزدەرگە جوعارى باعا بەردى. سونداي-اق ەكىجاقتى ەكو­نوميكا­لىق جانە گۋمانيتارلىق بايلانىستار, ينۆەستيتسييالاردى قولداۋ ماسەلەلەرى دە قوزعالدى.
سەناتور نەمىس ديپلوماتىن قازاقستان پارلامەنتىنىڭ قىز­مەتىمەن تانىستىرىپ, كونستيتۋ­تسييالىق رەفورمالار مەن مەملەكەت باسشىسىنىڭ «قازاق­ستاننىڭ ۇشىنشى جاڭعىرۋى: جاھاندىق باسە­كەگە قابىلەتتىلىك» جولداۋىن جۇزەگە اسىرۋعا زاڭ شىعارۋشىلاردىڭ قاتىسۋى تۋرالى ايتىپ بەردى.

ا.ىزگىلىك

بولىسۋ:

پىكىر جازۋ


*