قوس ەلدىڭ قاتىناسى تەرەڭ داميدى

2138
0
بولىسۋ:

قر پرەمەر-مينيستردىڭ بىرىنشى ورىنباسارى اسقار مامين بىرىككەن اراب امىرلىكتەرى ۆيتسە-پرەمەرى مەن باا پرەزيدەنت ىستەرى جونىندەگى مينيسترى شەيح مانسۋر بەن زايد ال ناحايانمەن كەلىسسوز جۇرگىزدى.
كەلىسسوز بارىسىندا قر پرەزيدەنتى نۇرسۇلتان نازارباەۆتىڭ باا-گە 15-16 قاڭتارداعى رەسمي ساپارى بارىسىندا قول جەتكىزىلگەن, جوعارعى دەڭگەيدەگى ۋاعدالاستىقتارىن ىس جۇزىنە اسىرۋ جولدارى قاراستىرىلدى.
تاراپتار ەنەرگەتيكا, مۇنايحيمييا, اتوم ونەركاسىبى, كولىك جانە لوگيستيكا, اسكەري-تەحنيكالىق سالالارداعى ورتاق جوبالاردى دامىتۋعا دايىن ەكەندەرىن راستادى.
«بايتەرەك» حولدينگى مەن «Mubadala Development Company PJSC» قازاقستان اۋماعى مەن وزگە كورشى ەلدەردىڭ باسىم نارىقتارىنداعى ينفراقۇرىلىمدىق جانە وزگە دە جوبالاردى بىرلەسىپ قارجىلاندىرۋ ۇشىن جاقىن ارادا وزارا ينۆەستيتسييالىق پلاتفورما قۇرۋعا كەلىستى.
قر مەن باا-نىڭ ەنەرگەتيكا مينيسترلىكتەرى قر-دا مۇنايگازحيمييا كەشەنى قۇرىلىسىنىڭ جوباسىنا تاراپتاردىڭ قاتىسۋ مۇمكىندىگىن تالقىلادى.
«قازاقستان تەمىر جولى» ۇلتتىق كومپانيياسى مەن «Etihad Rail» ۇلتتىق تەمىرجول كومپانيياسى باا مەن ۇشىنشى ەلدەردە بىرلەسكەن ينفراقۇرىلىمدىق جوبالاردى جۇزەگە اسىرۋ ماسەلەلەرىن تالقىلادى.
باا اتوم ەنەرگيياسى جونىندەگى كورپوراتسيياسى «قازاتومونەركاسىپ» ۇاك»-مەن يادرولىق ەنەرگييانى بەيبىت تۇردە پايدالانۋ سالاسىندا ەكىجاقتى قارىم-قاتىناستى دامىتۋعا نيەت بىلدىردى.
امىرلىك تارابى قازاقستان رەسپۋبليكاسى قارۋلى كۇشتەرى اسكەري وقۋ-جاتتىعۋ ورتالىقتارىنىڭ ينفراقۇرىلىم نىساندارىن ينۆەستيتسييالاۋ ماسەلەسىن قاراستىرۋعا مۇددەلىلىك تانىتتى.
امىرلىك تاراپىنان كەلىسسوزدەرگە ەنەرگەتيكا مينيسترى سۋحەيل مۋحاممەد ال-مازرۋي, ابۋ-دابي اتقارۋشى كەڭەسىنىڭ مۇشەسى, «مۋبادالا دەۆەلوپمەنت» كومپانيياسىنىڭ باس اتقارۋشى ديرەكتورى, باا اتوم ەنەرگيياسى جونىندەگى كورپوراتسيياسىنىڭ باسقارما باسشىسى حالدۋن حاليفا ال-مۋباراك, ابۋ-دابي قالاسىنىڭ مەرى, «Etihad Rail» ۇلتتىق تەمىرجول كومپانيياسى ديرەكتورلار كەڭەسىنىڭ توراعاسى, ينجەنەر اۋد مۋرشيد ال-مۋرۋر, قاۋىپسىزدىك پەن قورعانىس ماسەلەلەرى جونىندەگى سىرتقى ىستەر مينيسترىنىڭ ورىنباسارى فاريس ال-مازرۋي جانە قر-داعى باا ەلشىسى مۋحاممەد ال-دجابەر قاتىستى.
كەزدەسۋگە قازاقستاندىق تاراپتان ەنەرگەتيكا مينيسترى ق. بوزىمباەۆ, قورعانىس جانە اەروعارىش ونەركاسىبى مينيسترى ب. اتامقۇلوۆ, «قازاقستان تەمىر جولى» ۇك» اق باسقارما توراعاسى ق. الپىسباەۆ, «بايتەرەك» ۇبح» اق باسقارما توراعاسى ە. دوساەۆ, «قازاتومونەركاسىپ» ۇاك» اق باسقارما توراعاسى ا. جۇماعاليەۆ جانە باا-دەگى قازاقستان ەلشىسى ق. لاما شاريف قاتىستى.
بەرىك بەيسەنۇلى

بولىسۋ:

پىكىر جازۋ


*