Facebook جالعان اقپاراتتى انىقتايتىن ادىس ەنگىزدى

3121
0
بولىسۋ:

Facebook الەۋمەتتىك جەلىسى قولدانۋشىلارعا جالعان («فەيك») جاڭالىقتارمەن كۇرەسۋگە مۇمكىندىك بەرەتىن ادىس ەنگىزدى.

 بۇل تۋرالى كومپانييا مالىمدەمەسىندە ايتىلعان, دەپ حابارلايدى BAQ.kz.

ەندى وز پاراقشاسىنداعى جاڭالىقتار تاسپاسىنان جالعان اقپاراتتى اڭعارعان قولدانۋشى كۇماندى پوستتىڭ وڭ جاق شەكەسىن باسىپ, سول جەردەگى بەلگىلەردىڭ اراسىنان حابارلامانىڭ جالعان ەكەنى تۋرالى بەلگىنى باسادى. Facebook سەزىكتى اقپاراتتى دەرەكتەردىڭ شىنايىلىعىن تەكسەرۋمەن اينالىساتىن ۇيىمدارعا جىبەرەدى. ەگەر ساراپشىلار الگى اقپاراتتىڭ جالعان ەكەنىمەن كەلىسەتىن بولسا, وعان «داۋلى» دەگەن ستاتۋس بەرىلەدى. ول اقپارات الەۋمەتتىك جەلىدەن جوعالىپ كەتپەيدى, ونى باسقا قولدانۋشىلارمەن بولىسە دە الاسىز. بىراق الگىندەي بەلگىسى بار حاباردى باسقا قولدانۋشىمەن بولىسەتىن بولسا, قولدانۋشىعا «داۋلى» جاڭالىق تۋرالى تاعى بىر ەسكەرتۋ كەلەدى. «داۋلى» حابارلامالار Facebook قولدانۋشىلارىنىڭ جاڭالىقتار تاسپاسىنان سيرەك كورىنەتىن بولادى.

بۇعان قوسا Facebook الەۋمەتتىك جەلىدە سپام تاراتۋشىلارعا شىنايى اقپاراتتىق ۇيىمدار اتىنان ارەكەت جاساۋعا توسقاۋىل قوياتىن الگوريتم ەنگىزبەك.

كومپانييانىڭ جاڭالىقتارمەن جۇمىس بويىنشا ۆيتسە-پرەزيدەنتى دجون حەدجمەننىڭ ايتۋىنشا, الەۋمەتتىك جەلى اكىمشىلىگى جالعان جاڭالىق تاراتۋمەن كۇرەسۋ قاجەتتىگىن تۇسىنەدى, الايدا سونىمەن بىرگە Facebook اقپاراتپەن ەركىن الماسۋ قىزمەتىن اتقاراتىن پلاتفورما رولىن جوعالتقىسى كەلمەيدى.

ازاتتىق

بولىسۋ:

پىكىر جازۋ


*